ᑲᓐᖑᓇᖅᑐᓕᕆᓂᕐᒧᑦ ᐱᖁᔭᖅ
ᐸᖅᑭᑦᑎᒍᒪᒐᑦᑕ ᑲᓐᖑᓇᖅᑐᓕᕆᓂᕐᒥᑦ ᑲᓐᖑᓇᖅᑐᓕᕆᓂᕐᒥᑦ ᐅᔾᔨᓱᕆᐊᓕᒃ ᓇᓗᓇᐃᔭᖅᓯᒪᓪᓗᑎᓪᓗ ᓄᐊᑕᐅᓯᒪᔪᑦ, ᐊᑐᖅᑕᐅᔪᑦ, ᓴᖅᑭᖅᑕᐅᔪᑦ ᐸᖅᑭᔭᐅᔪᓪᓗ ᐃᕝᕕᑦ ᒥᔅᓵᓅᖓᒧᑦ ᑲᑐᔾᔨᔪᓂᒃ ᐊᑦᑐᐊᓂᖃᖅᑐᓂᒃ ᒐᕙᒪᑐᖃᒃᑯᑦ ᐊᓪᓚᐃᑦ ᐋᓐᓂᐊᑯᖓᓐᓂ ᑮᓇᐅᔭᖅᑖᕈᑎᔅᓴᓂᒃ.
ᑐᑭᓯᒋᐊᕈᑏᑦ ᓄᐊᑉᐸᑦᑕᕗᑦ
ᓄᐊᑦᑐᕙᑦᑐᒍᑦ ᐃᒪᐃᑦᑐᒥᒃ ᐃᕝᕕᑦ ᒥᔅᓵᓅᖓᔪᓂᒃ:
- ᐊᑏᑦ
- ᑎᑎᖅᑲᓂᐊᕐᕕᒃᑯᑦ ᑐᕌᕈᑏᑦ
- ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑏᑦ
- ᐅᖄᓚᐅᑏᑦ
- ᐊᓯᖏᓐᓂ ᐱᒃᑲᓐᓂᕆᐊᖃᕈᑦᑕ ᐅᓪᓗᒥᔨᓴᕐᓂᑦ ᐅᕝᕙᓘᓐᓃᑦ ᐱᓇᓱᐊᖅᑐᓄᑦ ᐃᑲᔪᖅᑎᒥᑦ ᖃᐅᔨᒋᐊᕆᐊᖃᕐᓂᖅᑲᑦ ᐃᓕᓐᓂᑦ ᐱᔭᕇᖅᓯᓇᓱᐊᖅᑎᓪᓗᒋᑦ ᑐᔅᓯᕋᐅᑎᒋᔭᕐᓂᑦ ᐊᑎᓕᐅᕆᐊᓕᒻᒥᑦ
ᖃᓄᖅ ᓄᐊᑦᑎᓂᐊᕐᒪᖔᑕ
ᓄᐊᑦᑎᕙᑦᑐᒍᑦ ᐃᒫᒃ ᑭᓯᐊᓂ:
- ᐅᖄᓚᐅᑎᒃᑯᑦ 1-888-592-9101
- ᐃᕐᖐᕐᓈᖅᑕᐅᑎᒃᑯᑦ GeneralInfo@Contact.IHSettlement.ca
- ᐊᑎᓕᐅᖃᑕᐅᒍᓐᓇᖅᑐᑎᑦ ᖃᕋᓴᐅᔭᒃᑯᑦ ᑕᑕᑎᕆᐊᓕᒻᒥᑦ (ᖃᕋᓴᐅᔭᕐᒥᑦ ᑐᑭᓯᒋᐊᕈᑎᓂᒃ ᐊᑐᐃᓐᓇᖅᑕᓕᒃ ᖃᓪᓗᓈᑎᑐᑦ ᐃᓄᑦᑎᑐᓪᓗ)
ᖃᓄᖅ ᐊᑐᖃᑦᑕᕐᒪᖔᑦᑎᒍᑦ ᓄᐊᑕᕗᑦ
ᐊᑐᖅᐸᑦᑕᕗᑦ ᑐᑭᓯᒋᐊᕈᑏᑦ ᐃᒪᐃᑦᑐᒧᑦ:
- ᐸᐃᑉᐹᑦ ᐱᓯᒪᑦᑎᐊᕐᓗᒋᑦ ᒪᓕᒐᕐᓂᑦ ᒪᓕᒋᐊᖃᕋᑦᑕ
- ᑲᒪᒋᓗᒋᑦ ᓇᓗᓇᐃᑦᑎᐊᕐᓗᒋᓪᓗ ᑐᔅᓯᕋᐅᑏᑦ ᒪᓕᑦᑐᒋᑦ
- ᐅᖃᖃᑎᖃᖅᐸᑦᑐᑕ ᐃᓕᓐᓂᑦ ᑐᔅᓯᕋᐅᑏᑦ ᐱᔾᔪᑎᒋᓪᓗᒋᑦ ᑕᐃᒪᐃᒋᐊᖃᕋᐃᒍᑦᑕ
- ᒪᓕᒋᐊᓖᓪᓗ ᒪᓕᒐᐃᑦ ᐊᑐᐊᒐᐃᓪᓗ ᒪᓕᔅᓴᐃᓐᓇᕆᐊᖃᖅᑐᒋᑦ
ᖃᓄᖅ ᑲᑐᔾᔨᕙᒻᒪᖔᑦᑕ ᑐᑭᓯᒋᐊᕈᑏᑦ ᐃᕝᕕᑦ ᒥᔅᓵᓅᖓᔪᑦ.
ᑐᑭᓯᒋᐊᕈᑏᑦ ᐱᔭᐅᔪᑦ, ᐋᖅᑭᔅᓱᐃᓪᓗᑕ ᐅᕝᕙᓘᓐᓃᑦ ᐱᔭᕗᑦ ᑮᓇᐅᔭᖅᑖᕈᑎᔅᓴᓄᑦ, ᑎᑎᖅᑲᑎᒎᕋᓗᐊᖅᑲᑕ ᐅᖃᐅᓯᒃᑯᓪᓘᓐᓃᑦ, ᑲᓐᖑᓇᖅᑑᑏᓐᓇᕐᓂᐊᖅᑕᕗᑦ ᐱᓕᕆᖃᑕᐅᔪᓄᑦ, ᒪᓕᒐᓕᕆᔨᓄᑦ, ᐱᓇᓱᐊᖅᑐᓄᑦ ᐊᓪᓚᑦᑎᓄᑦ, ᐃᒻᒥᒃᑰᖅᑐᑦ ᕿᒥᕐᕈᔩᑦ ᐊᒻᒪᓗ ᐊᖏᖅᓯᕙᑦᑐᑦ ᑲᑎᒪᔨᕋᓛᑦ, ᑭᓯᐊᓂᓕ ᓴᖅᑮᒋᐊᖃᕋᐃᒐᑦᑕ ᒪᓕᒐᖅᑎᒍᑦ, ᐊᓯᐊᒍᑦ ᐊᑐᔾᔮᓐᖏᑦᑕᕗᑦ ᐊᖏᕈᑕᐅᓯᒪᔪᓄᑦ ᑭᓯᐊᓂ ᐊᓯᐊᒍᓪᓕ ᐊᖏᖅᓯᒪᓐᓂᕈᔅᓯ ᑕᐃᒪᐃᒃᑲᔭᓐᖏᑦᑐᒍᑦ.
ᑭᓯᐊᓂᓕ ᐊᓯᐊᒍᑦ ᐊᖏᕈᑎᖃᕐᓂᕈᔅᓯ ᐱᓕᕆᖃᑎᔅᓯᓐᓂ, ᒪᑯᓂᖓ ᐅᖃᖃᑎᖃᕐᓂᕈᔅᓯ ᑐᑭᓯᐅᒪᖃᑦᑕᐅᑎᓗᓯ, ᑎᑎᖅᑲᑎᒎᒐᓗᐊᖅᑲᑦ ᐅᖃᐅᓯᒃᑯᓪᓘᓐᓃᑦ, ᑕᐃᑲᓂ ᐊᐃᕙᖃᖅᑎᓪᓗᓯ ᐊᖏᕈᑎᒥᑦ ᒪᓕᒐᖅᑎᒍᑦ ᑕᕝᕙᓂᓗ ᐊᖏᕈᑎᒥ.
ᑐᑭᓯᒋᐊᕈᑏᑦ ᐊᑦᑕᓇᐃᖅᓯᒪᔪᑦ
ᐊᑐᓕᖅᑎᑦᑎᕙᒻᒥᔪᒍᑦ ᐊᑦᑕᓇᐃᖅᑕᐃᓕᒪᔪᒦᒋᐊᖃᕐᓂᖏᓐᓂ ᐸᖅᑭᔭᐅᓪᓗᑎᑦ ᐃᓕᔅᓯ ᒥᔅᓵᓅᖓᔪᑦ ᐊᖏᖅᑕᐅᓯᒪᓐᖏᑦᑐᓂᑦ ᐱᔭᐅᔪᓐᓇᕆᐊᖃᓐᖏᑦᑐᑦ, ᐊᑐᖅᑕᐅᓗᑎᑦ ᓴᖅᑭᖅᑕᐅᓗᑎᓪᓘᓐᓃᑦ ᑭᓯᐊᓂᓕ, ᑐᔫᑕᐅᒋᐊᖃᓐᖏᑦᑐᑦ ᖃᕋᓴᐅᔭᖅᑎᒍᑦ ᐃᕐᖐᕐᓈᖅᑕᐅᑎᒃᑯᓪᓘᓐᓃᑦ ᐊᑦᑕᓇᐃᖅᓯᒪᓐᖏᑐᐊᖅᑲᑕ, ᐊᖅᑕᓇᕐᓂᐊᖅᑑᔮᖅᑲᑕ ᑕᐃᒫᒃ ᐱᒐᔭᓐᖏᑦᑐᒍᑦ.
ᐱᓯᒪᑦᑏᓐᓇᕐᓂᖅ ᐃᕝᕕᑦ ᒥᔅᓵᓅᖓᔪᓂᒃ
ᐱᓯᒪᑦᑏᓐᓇᖅᑐᒍᑦ ᐃᓕᔅᓯ ᒥᔅᓵᓅᖓᔪᓂᒃ ᐊᑯᓂ ᐱᓕᕆᐊᕗᑦ ᒪᓕᑦᑐᒋᑦ ᐱᖁᔭᐃᓪᓗ, ᒪᓕᒋᐊᖃᕐᓂᑎᓐᓂ ᑕᒪᒃᑯᓂᖓ ᒪᓕᒐᕐᓂᑦ, ᐋᖅᑭᓚᐅᓐᖏᓐᓂᓕᒫᖏᓐᓂ ᐊᑲᐅᓐᖏᓕᐅᕈᑕᐅᔪᑦ. ᐱᓇᓱᐊᖅᑐᓄᑦ ᐊᓪᓚᑦᑎ ᓱᕋᐃᔭᐃᒐᔭᖅᑐᖅ ᐱᔪᒪᔾᔪᑎᓕᒫᒥᓂᕐᓂᑦ ᐊᒻᒪᓗ ᑎᑎᖅᑲᓂᒃ ᐱᓯᒪᔭᖏᓐᓂᓪᓗ ᐊᓯᖏᓐᓂ ᐊᕐᕌᒍᐃᑦ ᒪᕐᕉᒃ ᐊᓂᒍᖅᓯᒪᓕᖅᑲᑕ ᐱᔭᕇᖅᓯᒪᓕᖅᑎᓗᒋᑦ ᐊᑭᓕᐅᑕᐅᒋᐊᓕᒥᓃᑦ, ᒪᓕᑦᑐᒋᑦ ᓱᕋᑦᑎᖅᑕᐅᒍᓐᓇᕐᓂᖏᓐᓂ ᒪᓕᒐᕐᓂᑦ ᐋᖅᑭᔅᓱᐃᓯᒪᔪᓄᑦ ᐱᓕᕆᔨᓄᑦ ᓈᒻᒪᒋᔭᐅᓕᖅᑲᑕ ᐱᓇᓲᑎᓄᑦ ᐊᓪᓚᑦᑎᖓᓐᓂ ᐊᒻᒪᓗ ᐊᖏᖅᑕᐅᑉᐸᑕ ᐃᖅᑲᖅᑐᐃᕕᒻᒧᑦ.
ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ ᐅᖄᓚᐅᑎᕋᓛᒃᑯᓪᓗ
ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ
ᑐᑭᓯᒋᐊᕈᑎᕋᓛᒍᓗᒃ ᑎᑎᖅᑲᑦ ᐃᕝᕕᑦ ᖃᕋᓴᐅᔭᖓᓅᖅᑕᐅᔪᑦ ᑐᑭᓯᒋᐊᕈᑎᑎᒍᑦ ᑕᑯᒋᐊᓚᐅᖅᑎᓪᓗᑎᑦ ᑕᒪᒃᑯᓂᖓ ᑐᑭᓯᒋᐊᕈᑎᓂᑦ ᓴᖅᑭᓲᖅ. ᑐᑭᓯᒋᐊᕈᑎᕋᓛᕈᓗᐃᑦ ᐅᑎᑦᑕᖅᑯᑦ ᕿᒥᕐᕈᔪᖃᓚᐅᖅᑎᓪᓗᒍ, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑕᑯᒋᐊᓚᐅᖅᑎᓪᓗᑎᑦ ᓇᓗᓇᐃᒃᑯᑎᐅᒻᒪᑕ ᕿᒥᕐᕈᔭᒥᓂᐅᓂᖏᓐᓂ. ᑕᒪᒃᑯᐊ ᑐᑭᓯᒋᐊᕈᑎᕋᓛᕈᓗᐃᑦ ᐊᑐᖅᐸᑦᑕᕗᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᓂᒃ, ᐃᖏᕐᕋᑦᑎᐊᖁᓪᓗᒋᓪᓘᓐᓃᑦ, ᑐᑭᓯᒃᑲᓐᓂᖃᑦᑕᖅᑐᒍᑦ ᖃᐅᔨᒋᐊᖅᑕᐅᓂᖏᓐᓂ ᑕᒪᒃᑯᓂᖓ ᐱᔪᓐᓇᐅᓕᖅᑲᑕᓘᓐᓃᑦ ᐱᔪᓐᓇᓕᖅᑎᑦᑎᑲᓐᓂᕋᓱᐊᓲᑦ. ᑐᑭᓯᒋᐊᕈᑎᕋᓛᕈᓗᐃᑦ ᓄᐊᑦᑎᔾᔪᑎᒋᓲᕆᒻᒥᔭᕗᑦ ᐊᑎᕐᓂᑦ, ᖃᕋᓴᐅᔭᒃᑯᑦ ᐱᔨᑦᑎᖅᑕᐅᔪᓂᒃ, ᐊᐅᓚᑦᑎᔾᔪᑎᓂᒃ, ᐅᓪᓗᖏᑦ/ᓯᕿᓐᖑᔭᖏᑦ ᑐᑯᒋᐊᖅᑐᒥᓃᑦ, ᒪᑉᐱᒐᐃᑦ ᑕᑯᔭᒥᓃᒃ, ᑐᑭᓯᒋᐊᕈᑎᓐᓂᓪᓗ ᕿᒥᕐᕈᔭᒥᓂᕐᓂᑦ ᖃᐅᔨᒃᑲᓐᓂᐅᑎᒋᕙᑦᑕᕗᑦ. ᑕᒪᒃᑯᐊ ᐃᑲᔫᑎᐅᕙᑦᑐᑦ ᑐᑭᓯᒃᑲᓂᖅᑐᑕ ᑕᐃᒃᑯᓂᖓ ᖃᐅᔨᒋᐊᖅᑐᓂᓪᓗ ᐊᑐᖅᑕᒥᓂᖏᓐᓂ.
ᐅᖄᓚᐅᑎᕋᓛᒃᑯᑦ ᖃᐅᔨᒋᐊᕐᕕᒃ
ᓄᐊᑦᑐᑎᒍᓪᓗ ᐊᒻᒪᓗ ᑲᒪᒋᕙᑦᑐᑎᒍ ᐅᖄᓚᐅᑎᕋᓛᒃᑯᑦ ᐅᖃᐅᓯᒥᓃᑦ ᐅᖃᕈᒪᔪᒥᓃᑦ CRM−ᒥᑦ ᐊᑐᖅᑐᑕ ᐅᕝᕙᓘᓐᓃᑦ ᐊᓯᐊᒍᑦ ᐊᖅᑯᑎᓕᓐᓂᑦ ᐱᔨᑦᑎᕋᖅᑐᑕ.
ᖃᐅᔨᒋᐊᕈᔅᓯ ᐅᖄᓚᐅᑎᕋᓛᒃᑯᑦ ᓂᓪᓕᕐᓗᓯ, ᐅᖃᕐᓗᓯ, ᑭᐅᓗᓯ ᐅᕝᕙᓘᓐᓃᑦ ᓇᒻᒥᓂᖅ ᐅᖃᕈᔅᓯ ᐊᖏᖅᑐᓯ ᐱᔪᓐᓇᕋᑦᑕ, ᑐᖅᑯᕐᓗᒋᓪᓗ ᐊᒻᒪᓗ ᐊᑐᕐᓗᒋᑦ ᐃᕝᕕᑦ ᒥᔅᓵᓅᖓᔪᑦ ᖃᓄᑐᐃᓐᓇᖅ.
ᐱᔪᓐᓇᐅᑎᑎᑦ ᓂᕈᐊᕈᓐᓇᖅᑕᓯᓗ
ᐱᔪᓐᓇᐅᑎᖃᖅᑐᑎᑦ ᐃᒪᐃᒍᓐᓇᖅᑐᑎᑦ:
- ᐱᔪᓐᓇᕐᓗᑎᑦ ᐊᒻᒪᓗ ᐊᔾᔨᖏᓐᓂ ᐱᓗᑎᑦ ᐃᕝᕕᑦ ᒥᔅᓵᓅᖓᔪᓂᒃ.
- ᐋᖅᑭᒋᐊᕐᓗᖏᑦ ᑕᒻᒪᖅᓯᒪᔪᑦ ᐃᕝᕕᑦ ᒥᔅᓵᓅᖓᔪᑦ
- ᐲᖅᑕᐅᑎᑦᑎᒍᓐᓇᖅᑐᑎᑦ ᐃᕝᕕᑦ ᒥᔅᓵᓅᖓᔪᓂᒃ
ᐱᔪᓐᓇᐅᑎᑎᑦ ᐊᑐᕐᓂᐊᕐᓗᒋᑦ, ᖃᐅᔨᒋᐊᕆᑦ ᐆᒧᖓ GeneralInfo@Contact.IHSettlement.ca.
ᐊᓯᔾᔨᖅᑐᑦ ᑲᓐᖑᓇᖅᑐᓕᕆᓂᕐᒧᑦ ᖃᐅᔨᒃᑲᐃᔾᔪᑏᑦ
ᐅᓪᓗᒥᒧᑦ ᓄᑕᔾᔨᕈᓐᓇᕋᑦᑎᒍ ᖃᖓᓚᐅᓱᖓᖅ ᑲᓐᖑᓇᖅᑐᓕᕆᓂᕐᒧᑦ ᖃᐅᔨᒃᑲᐃᔾᔪᑏᑦ. ᐊᓯᔾᔨᖅᑐᑦ ᓴᖅᑭᖅᑕᐅᒐᔭᖅᑐᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᑦᑎᓐᓂ ᖃᖓᒃᑯᓪᓗ ᐱᒋᐊᕐᕕᔅᓴᖃᕐᒪᖔᑕ ᐅᓪᓗᖓᓐᓂ. ᐱᔨᑦᑎᖅᑕᐅᖏᓐᓇᑎᓪᓗᒋᑦ ᐊᓯᔾᔨᖅᓯᒪᓕᖅᑎᓪᓗᒋᑦ ᐊᖏᖅᑕᐅᒍᓐᓇᖅᑐᑎᑦ ᓱᓕ ᐅᓪᓗᒥᒧᑦ ᐊᓯᔾᔨᖅᑕᐅᓯᓕᖅᑎᓪᓗᒋᑦ ᐱᖁᔭᐃᑦ.
ᖃᕋᓴᐅᔭᒃᑯᑦ Microsoft ᓇᓗᓇᐃᔭᖅᓯᒪᑦᑎᐊᖅᑐᑦ
ᐊᑐᖃᑦᑕᖅᑕᕗᑦ ᖃᕋᓴᐅᔭᒃᑯᑦ (Microsoft) ᓇᓗᓇᐃᔭᖅᓯᒪᑦᑎᐊᖅᑐᑦ ᑐᑭᓯᖁᓪᓗᓯ ᖃᓄᖅ ᐊᑐᖅᑕᐅᔪᓐᓇᕐᒪᖔᑕ ᖃᓄᕐᓗ ᓇᒻᒥᓂᖅ ᖃᐅᔨᒋᐊᕈᓐᓇᕐᓗᑎᑦ ᐆᑦᑐᕋᐅᑎᓂᒃ, ᓇᓗᓇᐃᔭᖅᓯᒪᔪᓂᒃ ᐊᒻᒪᓗ ᐃᓕᓐᓂᐊᕈᑎᓂᒃ ᓴᖅᑭᔮᕈᓐᓇᖅᑐᑦ ᐱᐅᓯᕚᓪᓕᑲᓐᓂᖁᓪᓗᒋᑦ ᐱᔨᑦᑎᕋᐅᑎᕗᑦ. ᖃᕋᓴᐅᔭᒃᑯᑦ ᑐᑭᓯᒋᐊᕈᑏᑦ ᓯᕗᓪᓕᖅᐹᒥ ᐊᖅᑯᑎᖃᕐᓗᑎᓪᓘᓐᓃᑦ ᑐᑭᓯᒋᐊᕈᑎᓂᒃ ᐊᒻᒪᓗ ᐊᓯᖏᓐᓂ ᖃᓄᖅ ᐊᑐᖅᑕᐅᒻᒪᖔᑕ ᖃᐅᔨᒋᐊᕈᑎᓂᒃ ᑕᑯᔭᐅᒍᔪᑦᑐᓂᒃ ᐊᒻᒪᓗ ᖃᕋᓴᐅᔭᒃᑯᑦ ᖃᓄᐃᓘᕐᓂᐅᕙᑦᑐᓂᒃ ᑐᑭᓯᓇᒃᑲᓐᓂᓲᑦ. ᐊᒻᒪᓗᒃᑲᓐᓂᖅ, ᑕᒪᒃᑯᐊ ᑐᑭᓯᒋᐊᕈᑏᑦ ᐋᖅᑭᔅᓱᓲᕗᑦ ᐊᑑᑎᖃᑦᑎᐊᖁᓪᓗᒋᑦ, ᐱᕋᔭᑦᑕᐅᓇᓱᓐᖏᒃᑲᓗᐊᕐᒪᖔᑕᓗ /ᖃᐅᔨᓴᖅᑕᐅᑦᑎᐊᓲᖑᓪᓗᑎᓪᓗ ᐊᒻᒪᓗ ᓴᖅᑭᔮᖅᑎᑕᐅᖃᑦᑕᕐᓂᖏᑦ.